🐘 जीव जीव रो बेरी रे !!!

( भाषा - राजस्थानी )

गाय कुत्ता अर ढोरा री ,पूंछड़ियां माई लाई लगाई है

जीव जीव रो बेरी रे , काइं मिनख जमारो आयो है ।।

लोकतंत्र रा उत्सव में गायां रंगी लाल गुलाबी 

दीवाली में गंडाकड़ा री पूंछ में लड़ी लगाई 

होली में रंग डाल मीनख बाँपा रो नाम कमायो 

जीव जीव रो बेरी रे, काइं मिनख़ जमारो आयो 

मां मारी हीरो हो बनायो ,खसबू चोखी आई

बालक में राज़ी सो होगो, मुंडा में जलधर आई

गर्भ धरी मिनकी संग बालक , उन्न दिन हीरो खायो 

गाय दियो बछड़ों जदि वा , कुल्लर रो स्वाद चखाया 

आज वे सगल्ला जतन मीनख़ रा, कांटा री भाड़ दिखाई 

भई फल्ल दीदो तो सांचो देतो  , आ कुबद कठा उ आई ?

गज़ रा मुख में धम्म हुओ , पेट माई काल समायो है

जीव जीव रो बेरी कुंवरा , काई मिनख जमारो आयो है।।

ज्यू जल - हवा - रूंख अर् भाखर, है आपां सग्गला रे खातर

ज्यु गज - बाग- हिरण - अर कागल, ठेठ गंवार और भई चातर

चक्कर चलतो रेनों चावे , एक में दूजो नी टांग अड़ावे

ज़ोर एक जको जादा लावे , धरती ने ठावा उं हिलावे

भात मान पुरखा री भाई , थोड़ी समझ तो लावो रे

जीव जीव रो बेरी भई, काइं मिनख जमारो आयो है ,

जीव जीव रो बेरी कुंवरा , काई मिनख जमारो आयो है।।